राज्यात एक किळसवाणा प्रकार उघडकीस आला आहे. विनापरवाना शस्त्रासह शिकारीसाठी घुसलेल्यांनी माणुसकीला काळीमा फासणारी गोष्ट केली आहे. शिकारीसाठी म्हणून जंगलात गेलेल्या काहींनी चक्क घोरपडीवरच बलात्कार केला आहे.
संशयित आरोपीचे मोबाईल तपासले असता हा प्रकार उघडकीस आला आहे. या प्रकारामुळे वन खातेही चक्रावले असून सदर आरोपींना ताब्यात घेण्यात आले आहे.
महाराष्ट्रातील गोठणे (Gothane) गावाजवळील सह्याद्री व्याघ्र प्रकल्पात एका घोरपडीवर (Bengal Monitor Lizard) बलात्कार (Rape) घडल्याची धक्कादायक घटना समोर आली आहे. या प्रकरणी चार जणांना अटक करण्यात आली आहे.
चार शिकारी कोकणातून कोल्हापुरातील चांदोलीमध्ये शिकारीसाठी आले होते. त्यांनी गोठणे येथील गाभा परिसरातील सह्याद्री व्याघ्र प्रकल्पाच्या कोअर झोनमध्ये विनापरवाना शस्त्रासह कथितपणे प्रवेश केला आणि हा गुन्हा केला. संदीप तुकराम, पवार मंगेश, जनार्दन कामतेकर आणि अक्षय सुनील अशी गुन्हेगारांची नावे आहेत.
घोरपडीसारख्या साडेचार फूटांच्या प्राण्यासोबत असे कृत्य करणाऱ्याला आता वनविभाग मानसोपचार तज्ज्ञांच्या हवाली करण्याची तयारी करत आहे. ही घटना वन गुन्ह्यातील अत्यंत दुर्मिळ घटना मानली जात आहे.
व्याघ्र गणनेसाठी सह्याद्री व्याघ्र प्रकल्पात लावलेल्या ट्रॅप कॅमेऱ्यात ३१ मार्च रोजी शस्त्रांस्त्रासह तीन आरोपी गुप्त माहितीच्या आधारे ताब्यात घेण्यात आले. या चौकशीत शिकऱ्यांकडून दोन बंदुका तसेच दोन दुचाकीही वनाधिकाऱ्यांनी जप्त केल्या आहेत.
आरोपींवर कोणत्या कलमाखाली कारवाई करायची याबद्दल सध्या अधिकारी चर्चा करत आहेत. अधिकाऱ्यांनी दिलेल्या माहितीनुसार, आरोपींना न्यायालयात हजर करून त्यांच्यावर योग्य ती कायदेशीर कारवाई केली जाईल. बंगाल मॉनिटर लिझार्ड ही वन्यजीव संरक्षण कायदा 1972 अंतर्गत राखीव प्रजाती आहे. दोषी आढळल्यास आरोपीला सात वर्षांपर्यंत तुरुंगवास होऊ शकतो.
वन अधिकाऱ्यांनी दिलेल्या माहितीनुसार पकडण्यात आलेले आरोपी सह्याद्री टायगर रिझर्वमध्ये शिकार करण्याच्या उद्धेशाने आले होते. त्यांच्याकडे काही शिकारीचं सामान देखील सापडलं होत.
