मुंबई : चेन्नई सुपर किंग्जचा (CSK) सलामीचा फलंदाज रुतुराज गायकवाड IPL 2022 मध्ये सलग तिसऱ्यांदा फ्लॉप झाला आहे. पहिल्या दोन सामन्यात 0 आणि 1 धावांवर बाद झालेला गायकवाड पंजाब किंग्ज (PBKS) विरुद्धच्या सामन्यात केवळ 1 धावा काढून पॅव्हेलियनमध्ये परतला.
गायकवाडने IPL 2021 मध्ये सर्वाधिक 635 धावा केल्या होत्या आणि ऑरेंज कॅप मिळवली होती. मात्र या मोसमातील पहिल्या तीन सामन्यांमध्ये त्याची बॅट शांत राहिली. गायकवाड दुसऱ्याच षटकात कागिसो रबाडाच्या चेंडूवर शिखर धवनच्या हाती झेलबाद झाला.
गायकवाडच्या याच खराब फॉर्ममुळे चाहते नाराज झाले आहेत. आणि ट्विटरवर चाहते मिम्स शेअर करून आपला राग व्यक्त करताना दिसत आहेत. चेन्नईने आयपीएल 2022 च्या मेगा लिलावापूर्वी एमएस धोनी, रवींद्र जडेजा आणि मोईन अली यांच्यासह गायकवाड यांना कायम ठेवले होते.
गायकवाडचा आत्तापर्यंतचा रेकॉर्ड असा आहे की तो आयपीएलच्या सुरुवातीच्या सामन्यांमध्ये फ्लॉप राहिला आहे. तो IPL 2022 मध्ये 0, 5, 0 आणि IPL 2021 मध्ये 5, 5, 10 असा खेळला. मात्र, नंतरच्या सामन्यांमध्ये तो पुनरागमन करतो. गतविजेत्या चेन्नई सुपर किंग्जच्या यशासाठी त्याचा फॉर्म आवश्यक असल्याने या मोसमातही तो येत्या सामन्यांमध्ये पुनरागमन करेल अशी अपेक्षा आहे.
पंजाबविरुद्धच्या सामन्याबद्दल बोलायचे झाले तर चेन्नईच्या संघाला 54 धावांनी पराभव स्वीकारावा लागला आहे. पंजाब किंग्जने प्रथम फलंदाजी करताना निर्धारित 20 षटकांत 8 गडी गमावून 180 धावा केल्या. प्रत्युत्तरात चेन्नईचा संघ 18 षटकांत सर्वबाद 126 धावांत आटोपला. गतविजेत्या चेन्नई सुपर किंग्जचा हा सलग तिसरा पराभव आहे. त्याचवेळी पंजाबचा तीन सामन्यांमधला दुसरा पराभव आहे. आयपीएलमध्ये चेन्नईचा संघ पहिल्या तीन सामन्यात पराभूत होण्याची ही पहिलीच वेळ आहे.
0(4),1(4),1(4)-Last three scores of last season Orange cap Winner Ruturaj Gaikwad,
Ladies and gentlemen welcome young gun Gaikwad in NBDC Department of TukTuk Academy 😍🔥 #CSKvPBKS pic.twitter.com/sTcDpOyon4— TukTuk Academy (@TukTuk_Academy) April 3, 2022
#CSKvsPBKS
Ruturaj gaikwad after facing 2-3 deliveries pic.twitter.com/cXOR11IfEL— Angineer (@an_gineer) April 3, 2022
Ruturaj Gaikwad 's wagon wheel in this IPL 😂🤣 #IPL2022 pic.twitter.com/gvV5dWmtgJ
— ∆ S H I M 🦁 (@BiggestRoFan) April 3, 2022
