मुंबई : आयपीएल 2022 च्या 15 व्या सामन्यात, लखनऊ सुपर जायंट्सने दिल्ली कॅपिटल्सचा 6 विकेट्सने पराभव केला आहे. लखनऊचा हा लीगमधील सलग तिसरा विजय आहे. प्रथम खेळताना दिल्लीने 3 बाद 149 धावा केल्या. सलामीवीर पृथ्वी शॉने 34 चेंडूत 61 धावा केल्या, मात्र याशिवाय एकाही फलंदाजाला जास्त धावा करता आल्या नाहीत. लखनऊने शेवटच्या षटकात 4 गडी गमावून लक्ष्याचा पाठलाग केला. यष्टिरक्षक फलंदाज क्विंटन डी कॉकने 52 चेंडूत 80 धावा केल्या. त्याच्या खेळीत 9 चौकार आणि 2 षटकारांचा समावेश होता.
लक्ष्याचा पाठलाग करताना लखनऊ सुपर जायंट्सची सुरुवात चांगली झाली. कर्णधार केएल राहुल आणि क्विंटन डी कॉक यांनी संघाला चांगली सुरुवात करून दिली.
लखनऊचा कर्णधार केएल राहुलने नाणेफेक जिंकून गोलंदाजी करण्याचा निर्णय घेतला. प्रत्युत्तरात दिल्लीने वेगवान सुरुवात केली. पृथ्वी शॉ आणि डेव्हिड वॉर्नर यांनी पहिल्या विकेटसाठी 7.3 षटकांत 67 धावा जोडल्या. दरम्यान, शॉने चालू मोसमातील पहिले अर्धशतक झळकावले. तो 34 चेंडूत 61 धावा करून बाद झाला. 9 चौकार आणि 2 षटकार मारले. वॉर्नरला केवळ 4 धावा करता आल्या.
चांगली सुरुवात असतानाही दिल्लीचा संघ मधल्या षटकांमध्ये गारद झाला. संघाने जास्त विकेट गमावल्या नाहीत, पण फलंदाजांना धावा करता आल्या नाहीत. 15 षटकांनंतर संघाची धावसंख्या 3 बाद 99 अशी होती. 8 षटकांनंतर संघाची धावसंख्या एका विकेटवर 68 धावा होती. म्हणजेच मधल्या 7 षटकांत दिल्लीच्या फलंदाजांना केवळ 31 धावा करता आल्या. यामुळे संघाला मोठी धावसंख्या करता आली नाही.
मात्र, अखेरच्या 5 षटकांत ऋषभ पंत आणि सर्फराज अहमद यांनी चांगले हात दाखवत 50 धावा केल्या. यामुळे संघाला 149 धावांपर्यंत मजल मारता आली. पंत 36 चेंडूत 39 आणि सर्फराज 28 चेंडूत 36 धावा करून नाबाद राहिला. दिल्लीने दिलेल्या या कमी लक्षाचा पाठलाग करताना लखनऊ सुपर जायंट्सने हा सामना आरामात जिंकला.
