मुंबई : पंजाब किंग्जचा सलामीवीर शिखर धवनने मुंबई इंडियन्सविरुद्ध 70 धावांची शानदार खेळी करून ऑरेंज कॅपच्या शर्यतीत सामील असलेल्या शीर्ष 3 फलंदाजांमध्ये आपले स्थान निर्माण केले. या स्फोटक खेळीनंतर शिखर धवन १९७ धावांसह तिसऱ्या क्रमांकावर पोहोचला आहे. फक्त राजस्थान रॉयल्सचा सलामीवीर जोस बटलर आणि चेन्नई सुपर किंग्जचा शिवम दुबे हे आता गब्बरच्या वर आहेत. बटलर २१८ धावांसह अव्वल, तर दुबे २०७ धावांसह दुसऱ्या स्थानावर आहे.
त्याचबरोबर या सामन्यात मुंबई इंडियन्सकडून 43 धावांची धडाकेबाज खेळी करणाऱ्या सूर्यकुमार यादवनेही पहिल्या 10 फलंदाजांमध्ये आपले स्थान निश्चित केले आहे. सूर्यकुमार 163 धावांसह 10व्या स्थानावर आहे. इशान किशन आणि लियाम लिव्हिंगस्टोन या सामन्यात काही आश्चर्यकारक कामगिरी करू शकला नाही ज्यामुळे तो अनुक्रमे 7व्या आणि 9व्या स्थानावर आहेत.
स्पर्धेबद्दल बोलायचे झाले तर, 15 व्या मोसमातील मुंबईचा हा सलग पाचवा पराभव आहे. सलग 5 सामने गमावून मुंबई पॉइंट टेबलमध्ये 10व्या स्थानावर आहे. यंदाच्या मोसमात मुंबई हा एकमेव संघ आहे ज्याने अद्याप विजयाचे खाते उघडले नाही. दुसरीकडे, पंजाबने 5 पैकी 3 सामने जिंकून गुणतालिकेत तिसरे स्थान मिळवले आहे.
