मुंबई : रवींद्र जडेजा आयपीएल 2022 मध्ये चेन्नई सुपर किंग्जचे नेतृत्व करत आहे. मात्र, त्याच्या कर्णधारपदाखाली संघाला कोणतेही यश मिळालेले नाही, गेल्या दोन सामन्यांमध्ये जडेजाने आपल्या संघासाठी 26* आणि 17 धावा केल्या होत्या, तर पंजाब किंग्जविरुद्ध तो शून्यावर बाद झाला. या सामन्यात जडेजा फलंदाजीसाठी आला तेव्हा संघाला त्याची गरज होती, मात्र तो आपले खातेही उघडू शकला नाही आणि अर्शदीप सिंगच्या बॉलवर बाद झाला. त्याने आपल्या डावात तीन चेंडूंचा सामना केला. या सामन्यात शून्यावर बाद होण्यासोबतच त्याने एक अतिशय वाईट विक्रमही आपल्या नावावर केला.
जडेजापूर्वी एमएस धोनीने आयपीएलच्या मागील 12 हंगामात सीएसकेचे कर्णधारपद भूषवले होते आणि या कालावधीत तो एकदाही पंजाब संघाविरुद्ध शून्यावर बाद झाला नव्हता. त्याच वेळी, 13 व्या हंगामात, CSK संघाचे कर्णधारपद रवींद्र जडेजाकडे देण्यात आले होते आणि या हंगामात पंजाबविरुद्धच्या सामन्यात तो शून्यावर बाद झाला आहे. म्हणजेच आयपीएलमधला तो सीएसकेचा पहिला कर्णधार ठरला जो पंजाब संघाविरुद्ध शून्यावर आऊट झाला आणि लज्जास्पद विक्रमही केला. सुरेश रैनाने आयपीएलमध्ये सीएसकेसाठी काही सामन्यांमध्ये कर्णधारपदही भूषवले होते, परंतु कर्णधार म्हणून पंजाबविरुद्ध तो कधीही शून्यावर बाद झाला नाही.
CSK विरुद्धच्या या सामन्यात पंजाबने 20 षटकात 8 विकेट गमावत 180 धावा केल्या होत्या. प्रत्युत्तरात चेन्नईची सुरुवात खूपच खराब झाली आणि हा संघ पॉवरप्लेमध्ये 6 षटकांत 4 गडी गमावून केवळ 27 धावाच करू शकला. पॉवरप्लेमध्ये ऋतुराज गायकवाड एका धावेवर, रॉबिन उथप्पा 13 धावांवर, मोईन अली आणि रवींद्र जडेजा शून्यावर बाद झाले. एवढेच नाही तर सीएसकेने 36 धावांत त्यांचे पाच विकेट गमावले होते आणि पाचवी विकेट अंबाती रायडूची होती जो 13 धावांवर बाद झाला होता. या सामन्यात CSK संघ 126 धावांवर ऑलआऊट झाला आणि 54 धावांनी पराभूत झाला.
