मुंबई : इंडियन प्रीमियर लीगच्या 15 व्या हंगामात आता सर्व संघांनी एक सामना खेळला आहे. यासहआता गुणतालिकेत संघाच्या चाहत्यांची उत्सुकता वाढत आहे कारण यावेळी सामना 8 नसून 10 संघांमध्ये आहे. लखनऊ सुपरजायंट्स आणि चेन्नई सुपर किंग्ज यांच्यात गुरुवारी एक रोमांचक सामना झाला. या सामन्यानंतर गुणतालिकेत बदल झाले आहेत.
पहिल्या सामन्यातून धडा घेत लखनऊने चेन्नईसमोर 211 धावांचे लक्ष्य ठेवले आणि मोसमातील पहिला विजय नोंदवला. या सामन्यात प्रथम फलंदाजी करताना CSK ने 7 विकेट्सवर 210 धावांची मोठी धावसंख्या उभारली. पण लखनऊच्या फलंदाजांनी 3 चेंडू बाकी असताना 4 गडी गमावून धावसंख्या गाठली आणि मोठा विजय मिळवला.लखनऊसाठी एविन लुईसने 23 चेंडूत 55 धावा केल्या. या मोसमातील हे सर्वात वेगवान अर्धशतक आहे. या विजयानंतर संघाला दोन सामन्यांनंतर पहिला गुण मिळाला आणि गुणतालिकेत सहाव्या स्थानावर पोहोचला.
स्फोटक फलंदाज संजू सॅमसनच्या नेतृत्वाखाली राजस्थान रॉयल्स हा संघ पॉइंट टेबलमध्ये सध्या पहिल्या स्थानावर आहे. सनरायझर्स हैदराबादविरुद्धच्या पहिल्या सामन्यात संघाने 210 धावांची मोठी धावसंख्या उभारली होती आणि 61 धावांनी विजय मिळवला होता.
दुसऱ्या क्रमांकावर दिल्लीचा संघ आहे, ज्याचे नेतृत्व स्फोटक फलंदाज ऋषभ पंतकडे आहे. या संघाने पहिल्याच सामन्यात पाचवेळा चॅम्पियन मुंबई संघाचा पराभव केला. तिसऱ्या स्थानावर पंजाबचा संघ आहे, ज्याने बंगळुरूविरुद्धच्या पहिल्या सामन्यात 205 धावांच्या मोठ्या लक्ष्याचा आरामात पाठलाग केला. चौथ्या स्थानावर गुजरात टायटन्सचा कर्णधार हार्दिक पांड्या आहे ज्याने लखनऊविरुद्धचा पहिला सामना जिंकला होता.
लखनऊचा संघ सहाव्या तर बंगळुरूचा संघ सातव्या क्रमांकावर आहे. यानंतरचे तिन्ही संघ अद्याप आपले विजयाचे खाते उघडू शकलेले नाहीत. या यादीत हैदराबादचा संघ शेवटच्या स्थानावर आहे.
