Electric Scooter : देशात सध्या इलेक्ट्रिक वाहनांची (EV) क्रेझ वाढत आहे. अनेक कंपनी इलेक्ट्रिक सेगमेंटकडे वळत आहेत. जर तुम्ही सुद्धा इलेक्ट्रिक स्कुटर घेण्याचा विचार करत असाल तर हिरोची ही स्कुटर तुमच्यासाठी उत्तम ठरू शकते. जाणून घ्या फीचर्स.
Hero MotoCorp ने Vida 1 लाँच केली आहे, ही त्यांच्या नवीन Vida ब्रँड अंतर्गत पहिली इलेक्ट्रिक स्कूटर आहे. या स्कूटरची रचना आणि वैशिष्ट्ये खूपच प्रभावी आहेत. Vida V1 इलेक्ट्रिक स्कूटर दोन प्रकारात लॉन्च करण्यात आली आहे. Vida V1 Plus ची किंमत 1.45 लाख रुपये एक्स-शोरूम आहे, तर Vida V1 Pro ची एक्स-शोरूम किंमत 1.59 लाख रुपये आहे.
याच्या Vida V1 Plus च्या (Electric Scooter) वैशिष्ट्यांबद्दल बोलायचे झाले तर स्कूटरचा टॉप स्पीड 80 kmph आहे. एकदा पूर्ण चार्ज केल्यानंतर ते 143 किमी अंतर कापू शकते. 0-40 किमी पासून प्रवेग 3.4 सेकंद घेते. याशिवाय Vida V1 Pro चा टॉप स्पीड 80 kmph आहे. एकदा पूर्ण चार्ज केल्यानंतर ते 165 किमी अंतर कापू शकते.
o-40 किमी प्रतितास वेग येण्यासाठी 3.2 सेकंद लागतात. यात 7-इंचाची TFT स्क्रीन आहे, जी स्मार्ट कनेक्ट केलेल्या वैशिष्ट्यांसह येते. स्कूटरला (Vida V1) ओटीए अपडेट मिळू शकतात, त्यामुळे भविष्यात आणखी वैशिष्ट्ये येऊ शकतात. स्कूटरमध्ये सीटखालील स्टोरेज खूप चांगले आहे जेथे तुम्ही तुमच्या आवश्यक वस्तू ठेवू शकता.
