Electric Car : स्वीडिश लक्झरी कार निर्माता Volvo 9 नोव्हेंबर रोजी नवीन कार EX90 इलेक्ट्रिक SUV लाँच करणार आहे. या कारचे सर्वात मोठे वैशिष्ट्य म्हणजे ती टिकाऊ सामग्री (Plastic West) वापरून बनवण्यात आली आहे.

व्होल्वोच्या (Volvo) म्हणण्यानुसार, ही कार बनवण्यासाठी 50 किलो जैव-आधारित सामग्री आणि पुनर्वापर केलेले प्लास्टिक वापरण्यात आले आहे. कारच्या आतील अनेक भाग या सामग्रीपासून बनवले जातात.

लूक

EX90 इलेक्ट्रिक SUV हे Volvo च्या XC90 ICE मॉडेलचे इलेक्ट्रिक मॉडेल आहे, जी ICE मॉडेलच्या लूकसह येणारी ब्रँडची दुसरी कार असेल. ही नवीन कार लॉन्च झाल्यानंतर स्वतःच्या ब्रँडच्या XC40 रिचार्ज आणि C40 रिचार्जशी स्पर्धा करेल.

टाकाऊ पदार्थापासून बनवलेले इंटीरियर

व्होल्वोने या लक्झरी कारच्या (Electric Car) इंटिरिअरचे अधिकृत फोटो शेअर केले आहेत. याबाबत कंपनीने सांगितले की, ही संपूर्ण केबिन प्लास्टिकच्या बाटल्यांसारख्या रिसायकल मटेरियलचा वापर करून बनवण्यात आली आहे.

त्याचे कापड जंगलातून मिळवलेल्या जैव-सामग्रीपासून बनवले जाते. ही कार बनवण्यासाठी नॉर्डिकोचा वापर करण्यात आला असून, हे अगदी नवीन साहित्य असून, कचऱ्याचा पुनर्वापर करून ही कार तयार करण्यात आली आहे. यासोबतच यामध्ये पिनरलचाही वापर करण्यात आला आहे.

EX90 स्कॅन्डिनेव्हियन कल्चरने प्रेरित

या नवीन इलेक्ट्रिक (EV) लक्झरी एसयूव्हीच्या केबिनबद्दल माहिती देताना, व्हॉल्वोने सांगितले आहे की कंपनी ही कार सात वेगवेगळ्या कॉन्फिगरेशनमध्ये ऑफर करेल जे या कारच्या बाह्य आणि आतील तपशील आणि अपहोल्स्ट्री यांना वेगळे संयोजन देतात. स्कॅन्डिनेव्हियन जीवनशैली आणि नॉर्वे, स्वीडन आणि डेन्मार्क सारख्या देशांचा समावेश असलेल्या उत्तर युरोपमधील द्वीपकल्पातील निसर्गापासून प्रेरणा घेऊन कारची रचना करण्यात आली आहे.