csk
Big blow to Chennai Super Kings: Three players out of opener in a row!

नवी दिल्ली : आयपीएल 2022 सुरू होण्यापूर्वीच एमएस धोनीच्या नेतृत्वाखालील चेन्नई सुपर किंग्जच्या अडचणी वाढताना दिसत आहेत. सीएसकेचे 3 महत्त्वाचे खेळाडू आयपीएलच्या सुरुवातीच्या आठवड्यात खेळताना दिसणार नाहीत. दीपक चहर आणि ऋतुराज गायकवाड यांच्यानंतर दक्षिण आफ्रिकेचा ड्वेन प्रिटोरियसही आयपीएलच्या सुरुवातीच्या आठवड्यात उपलब्ध होणार नाही.

आयपीएलचा गतविजेता चेन्नई सुपर किंग्जला सुरुवातीच्या सामन्यांमध्ये फक्त एका खेळाडूची उणीव भासणार आहे. तो दक्षिण आफ्रिकेचा अष्टपैलू ड्वेन प्रिटोरियस. बांगलादेशविरुद्धच्या वनडे मालिकेसाठी प्रिटोरियसचा संघात समावेश करण्यात आला आहे. दक्षिण आफ्रिकेने अद्याप कसोटी संघ जाहीर केलेला नाही. जर त्याची कसोटी संघातही निवड झाली तर तो 12 एप्रिलपूर्वी संघात सामील होऊ शकणार नाही. अशा स्थितीत तो चेन्नईच्या पाच सामन्यांना मुकणार आहे.

दक्षिण आफ्रिका बांगलादेशविरुद्ध तीन वनडे आणि दोन कसोटी सामने खेळणार आहे. ही एकदिवसीय मालिका 23 मार्च रोजी संपेल, तर कसोटी मालिका 12 एप्रिल रोजी संपेल. दक्षिण आफ्रिकेचा अष्टपैलू खेळाडू ड्वेन प्रिटोरियसला चेन्नई सुपर किंग्जने ५० लाख रुपयांना खरेदी केले आहे.