मुंबई : इंडियन प्रीमियर लीगच्या १५ व्या मोसमात राजस्थान रॉयल्सकडून खेळणारा युझवेंद्र चहल उत्कृष्ट फॉर्ममध्ये आहे. या मोसमात त्याने चांगली गोलंदाजी केली आहे. गेल्या मोसमापर्यंत रॉयल चॅलेंजर्स बंगळुरूकडून खेळणाऱ्या या गोलंदाजाने जुन्या फ्रँचायझीविरुद्ध दमदार खेळ दाखवला. यादरम्यान, चहलने एक किस्सा सांगितला.
अश्विन आणि करुण नायर यांच्याशी संवाद साधताना चहल म्हणाला, “माझी गोष्ट, फार कमी लोकांना याबद्दल माहिती आहे. जरी मी याबद्दल कधीही बोललो नाही किंवा कोणाशीही शेअर केला नाही. 2013 मध्ये मी मुंबई इंडियन्समध्ये सामील झालो. आमचा बंगळुरूमध्ये सामना होता, त्यानंतर आमची भेट झाली. एक खेळाडू होता जो खूप मद्यधुंद होता, मला त्याचे नाव घ्यायचे नाही. तो खूप नशेत होता, तो माझ्याकडे बघत होता आणि त्याने मला हाक मारली. त्याने मला बाहेर काढले आणि पुन्हा त्याने मला बाल्कनीतून खाली लटकवले.”
“मी त्यांना पकडले होते, माझी पकड कमकुवत होत होती, मी 15 व्या मजल्यावर होतो. अचानक तेथे बरेच लोक आले, त्यांनी मला बाहेर काढले आणि घटनास्थळाचा ताबा घेतला. मी जवळजवळ बेशुद्धच होतो, त्यांनी मला पाणी दिले. मग मला तेव्हा समजले की जेव्हा तुम्ही एखाद्यासोबत बाहेर असता तेव्हा तुम्हाला किती जबाबदारीने जगावे लागते याची जाणीव झाली. माझ्याकडून त्यावेळी काही चूक झाली असती तर मी देखील खाली पडू शकलो असतो.”
यावरच भारताचा माजी सलामीवीर वीरेंद्र सेहवागने या घटनेबाबत ट्विट करत लिहिले की, “चहलच्या म्हणण्यानुसार ज्या व्यक्तीने दारूच्या नशेत त्याच्यासोबत असे कृत्य केले त्या व्यक्तीचे नाव ऐकणे अत्यंत महत्त्वाचे आहे. त्याच्यासोबत काय झाले आणि काय कारवाई करण्यात आली हे जाणून घेणे महत्त्वाचे आहे. या प्रकरणाचे गांभीर्य लक्षात घेऊन.” शुक्रवारी संध्याकाळी ४.४२ वाजता सेहवागने हे ट्विट केले होते. मात्र, काही वेळाने त्याने तेही आपल्या हँडलवरून हटवले.
