5G SIM Fraud : (5G SIM Fraud) देशात नुकतीच 5G सेवा सुरु झाली आहे. यामुळे अनेक युजर्स सध्या 5G सेवा अपग्रेडसाठी प्रयत्न करत आहेत. याचाच गैरफायदा अनेकांना झाला असून, बँक अकाउंटमधील पैसे गेल्याच्या घटना समोर आल्या आहेत. जाणून घ्या याबाबद्दल.

भारतात 5G सेवा (5G Technology) सुरूही झालेली नाही, मात्र या सेवेच्या नावाखाली फसवणूक सुरू झाली आहे. एबीपी न्यूज ग्रुपच्या एबीपी लाइव्ह (तेलुगू) नुसार, हैदराबाद पोलिसांनी (Police) लोकांना 5G सिम अपग्रेड करण्याच्या प्रकरणात फसवणुकीपासून (Fraud) सावध राहण्याचा सल्ला दिला आहे.

5G सिम अपग्रेडच्या नावाखाली फसवणूक करणारे निष्पाप लोकांना लक्ष्य करत आहेत. हैदराबाद पोलिसांना अशा अनेक तक्रारी प्राप्त झाल्या आहेत, ज्यामध्ये वापरकर्त्यांना फोनवर सिम 5G वर अपग्रेड करण्यासाठी एक लिंक मिळाली, परंतु त्यावर क्लिक केल्यानंतर, बँक खात्यातून बरेच पैसे काढले गेले.

5G सिममुळे बँक खाते रिकामे

अहवालानुसार, स्कॅमर वापरकर्त्यांच्या फोनवर लिंक पाठवत आहेत, वापरकर्त्यांना त्यांचे जुने सिम कार्ड 5G नेटवर्कवर अपग्रेड करण्यास सांगत आहेत. 5G सिम तात्काळ मिळविण्यासाठी, लोक त्यांच्या फोनवर अधिकृत संदेश म्हणून पाठवल्या जाणार्‍या स्पॅम (Fraud) लिंकवर क्लिक करत आहेत. लिंकवर क्लिक केल्यावर त्यांच्या खात्यातून पैसे कापले जात आहेत.

फसवणूक कशी होते?

स्पॅम लिंकवर क्लिक केल्यानंतर, स्पॅमर्सना लोकांच्या बँक खात्याशी संबंधित फोन नंबर कळतो. यानंतर स्पॅमर हा फोन नंबर ब्लॉक करतात आणि सिम स्वॅप करतात. यानंतर जे लोक फसवणुकीचे बळी ठरतात त्यांचे स्वतःच्या सिमवरही नियंत्रण नसते. यापुढे या क्रमांकाच्या मदतीने स्पॅमर लोकांची खाती रिकामे करत आहेत.

5G सिम फसवणूक कशी टाळायची

हैदराबाद पोलिसांच्या सायबर विंगने लोकांना अनोळखी नंबरवर “स्विच फ्रॉम 4जी टू 5जी” संदेश पाठवणाऱ्या कोणत्याही मेसेजवर क्लिक करू नये, असा सल्ला दिला आहे.